На 10 конгрес на црногорската Демократска партија на социјалистите (ДПС), што се одржа вчера во Подгорица, за почесен претседател беше избран поранешниот долгогодишен лидер на партијата Мило Ѓукановиќ.

Ѓукановиќ се повлече од функцијата претседател на партијата, која ја водеше од 1998 година, во април 2023 година, откако беше убедливо поразен на претседателските избори од актуелниот црногорски претседател Јаков Милатовиќ.

Потоа тој го препушти раководството на партијата на младите сили, предводени од претседателот на ДПС, Даниел Живковиќ.

Одговарајќи на новинарско прашање по конгресот дали со именувањето на Ѓукановиќ за почесен претседател на ДПС е завршена реформата во партијата, Живковиќ рече дека мерката за реформи ја одредуваат граѓаните на избори.