Новиот извештај од индустријата ја потврдува лидерската позиција на Самсунг, додека компанијата го проширува своето портфолио на напредни дисплеи и интегрирани решенија за бизниси ширум светот

Скопје,  23 март 2026 година – Самсунг (“Samsung”) објави дека ја задржа својата позиција бр. 1 на глобалниот пазар за комерцијални дисплеи во 2025 година, одбележувајќи 17 последователни години на врвот, со 35,2% удел според продажба на единици, според компанијата за истражувања “Omdia”.^[1]

Од достигнувањето на глобалната позиција бр. 1 на пазарот за комерцијални екрани за прв пат во 2009 година, “Samsung” континуирано го зајакнува своето лидерство во B2B секторот за дисплеи. Во 2025 година, компанијата достигна највисоко ниво на годишна продажба досега, испорачувајќи повеќе од 2,5 милиони единици.

Овој долгорочен стабилен раст го одразува фокусот на “Samsung“ на следната генерација на дигитално рекламирање (signage), која комбинира напреден хардвер за дисплеи со решенија базирани на облак (cloud) и поткрепени со вештачка интелигенција, во малопродажни, деловни, образовни и угостителски средини.

Портфолиото на B2B дисплеи на “Samsung“ е изградено врз основа на посветеност кон иновации во производите. Дисплеите Samsung Spatial Signage, лансирани оваа година, прикажуваат импресивна 3D содржина во тенко куќиште од 52 мм. Тие ја добија Наградата за иновации CES 2026 во категоријата “Enterprise Technology” и наградата за дизајн “iF Design Award 2026“. “Samsung“ планира во иднина да ја прошири понудата со дополнителни големини дисплеи.

Линијата Samsung Color E-Paper нуди високо енергетски ефикасни решенија за прикажување содржини како алтернатива на традиционалните хартиени постери. Со големина од 33 сантиметри (13 инчи), “Color E-Paper“ е првиот комерцијален дисплеј во светот што во своето куќиште користи биосмола добиена од фитопланктон. Куќиштето на екранот е составено од 45% рециклирана пластика и 10% биосмола на база на фитопланктон, што овозможува намалување на емисиите на јаглерод за повеќе од 40% во споредба со конвенционалните пластични материјали на база на нафта.^[2] “Samsung“планира да ја прошири употребата на овој материјал низ целата своја палета “E-Paper“ уреди.

Портфолиото исто така вклучува дисплеи со екстра-голем формат, дизајнирани за деловни средини со високо ниво на влијание, во опсег од моделот QPDX-5K со дијагонала од 267 сантиметри (105 инчи) и моделите QHFX со дијагонала од 292 сантиметри (115 инчи), до дисплејот Micro RGB со дијагонала од 330 сантиметри (130 инчи) (модел QPHX).

Покрај хардверот, “Samsung“ очекува да ја задржи својата водечка позиција во индустријата преку меѓусебно поврзување на уреди и решенија, со што на клиентите им обезбедува беспрекорно, интегрирано корисничко искуство. Ова ја вклучува платформата Samsung VXT за далечинско управување со уреди и содржини и новата апликација AI Studio, која овозможува лесно создавање видеа подготвени за дигитално рекламирање од една единствена слика од производот. ^[3] 

„Седумнаесет години на врвот на пазарот за комерцијални дисплеи се резултат на слушањето на нашите B2B клиенти и развојот заедно со нив”, истакна Хјонг Џе Ким (Hyoung Jae Kim), Извршен Потпретседател на Одделот за Визуелни Дисплеи (Visual Display – VD) во “Samsung Electronics“. “Како што се менува деловната средина, на компаниите им е потребна технологија што е сигурна, лесна за управување и отпорна на застарување. Ќе продолжиме да инвестираме во дисплеи и решенија кои им помагаат на нашите партнери да работат поефикасно и да создаваат подобри искуства во секој простор”.

[1] Извештај на “Omdia” за јавни екрани за четвртиот квартал од 2025 година, според продажба на единици. Не се опфатени потрошувачките телевизори.

[2] Врз основа на резултати од интерни тестови само под специфични услови. Направена е споредба со смола на база на нафта (PC+ABS) со иста тежина. Пресметката на емисиите на јаглерод се заснова на податоците за јаглеродниот отпечаток на производот (PCF) од производството на смола по ISO 14067, 14040 и 14044 стандардите, покривајќи ги емисиите на јаглерод од почетокот на производството до излезот од фабриката (исклучувајќи ги емисиите во фазата на користење и крајот на животниот век). Сите бројки се проценки засновани на достапни податоци и подлежат на промена.

[3] Samsung VXT се продава одделно, а достапноста на решението варира во зависност од регионот.