Од Вон-џун Чои (Won-joon Choi), EVP и раководител на канцеларијата за истражување и развој, Mobile Experience Business во Samsung Electronics

– Ние сме на почетокот на највозбудливиот и веројатно еден од најголемите историски моменти во технологијата. Ерата на мобилната вештачка интелигенција е тука, која за Samsung се отвори со воведувањето на функциите Galaxy AI на серијата Galaxy S24, нашиот прв телефон со вештачка интелигенција.

Револуционизирање на мобилните искуства со хибридна AI

За да ги донесеме вистинските придобивки од генеративната AI во серијата Galaxy S24, презедовме хибриден пристап кон нашата AI интеграција. Вештачката интелигенција нуди навистина многу можности и веруваме дека мобилните уреди се примарна пристапна точка за откривање на нејзиниот потенцијал бидејќи корисниците ширум светот продолжуваат да се потпираат на својот телефон за поголемиот дел од нивните секојдневни потреби.

Суштинската улога што ја играат мобилните уреди во секојдневниот живот значи дека тие се навистина лични предмети што луѓето ги користат во многу важни и незаборавни моменти. Ги разбираме овие однесувања и веруваме дека паметните телефони треба да се потрудат повеќе за да можат корисниците вистински да ги искористат важните моменти на поедноставен, поинтуитивен и поепски начин. Го препознаваме и значењето на приватноста, поради што на корисниците им даваме целосна контрола врз тоа што го споделуваат и го чуваат приватно.

Ние веруваме дека нашиот хибриден пристап е најпрактичното и најсигурното решение за исполнување на сите овие потреби и тој го става Samsung над тековните трендови. На корисниците им обезбедуваме рамнотежа помеѓу непосредната реакција и дополнителното обезбедување на приватност на AI на уредот, и разновидноста на вештачката интелигенција базирана на облак преку отворени соработки со водечките партнери во индустријата нудејќи различни функции што им се потребни за секојдневниот живот.

Проширување на можностите со AI на уредот

Направивме функцијата Превод во живо (Live Translate) да се базира на AI на уредот, бидејќи гласовните повици се најосновната карактеристика на паметниот телефон, но и интимно и приватно средство за комуникација. Samsung се обврза да им овозможи на корисниците да комуницираат без јазични бариери, а во исто време се погрижи секоја комуникација да биде безбедна и приватна.

За да ја направиме оваа функција реалност, нашиот тим за истражување и развој работеше дење и ноќе како дел од заедничкиот процес, кој навистина го извлече најдоброто од нашите тимови. Од одредување на вистинската големина на AI јазичните модели, до обука и тестирање во реални сценарија, нашите организации за истражување и развој во рамките на MX Business си поставија предизвик и ги надминаа границите на она што мислевме дека е можно со цел да ја активираме оваа функција целосно на уредот.

Глобалните мрежи за истражување и развој на Samsung ширум светот, кои се задолжени за раст на најдобрите таленти и развој на основните технологии во секој регион, исто така, одиграа клучна улога. Истражувачките центри на Samsung ширум светот, вклучувајќи ги Полска, Кина, Индија и Виетнам се посветија на развивање и проширување на јазиците поддржани од Galaxy AI. Јазиците се многу културни, современи и локализирани, така што за да им помогнат на луѓето да ги срушат јазичните бариери и да комуницираат поприродно, улогата на нашите локални канцеларии за истражување и развој стана уште позначајна во отворањето нови можности за корисниците во повеќе региони од кога било досега.

Сите овие напори му овозможија на Samsung да понуди нешто сосема ново што јас сум возбуден да го споделам. Наскоро, Samsung ја проширува моќта на Galaxy AI надвор од сопствената изворна апликација со проширување на функцијата Превод во живо (Live Translate) на други апликации за пораки од трети страни за поддршка на гласовните повици. Така, вие ќе можете да останете во контакт со пријателите или колегите, комуницирајќи на вашите омилени апликации на повеќе јазици.

И бидејќи оваа функција е интегрирана во нашиот модел за превод со AI на уредот, корисниците ќе можат да искусат комуникација без бариери, без да се грижат за проблемите со приватноста, како што се личните податоци што се споделуваат надвор од нивниот телефон кога ја користат функцијата Превод во живо (Live Translate).

Очекувам дека сè повеќе и повеќе мобилни AI функции ќе бидат вградени во мобилните уреди бидејќи интелигентната компјутерска моќ на најновите чипови, особено NPU, напредува со огромна брзина заедно со другите технологии. Ова ќе им овозможи на повеќе луѓе да ја прифатат вештачката интелигенција и да го направат секој ден поудобен, истовремено нудејќи поголема безгрижност.

Раст на Galaxy AI за утрешните потреби денес

Оваа возбудлива вест е дел од продолжувањето на нашата посветеност на Galaxy AI и влегувањето во следната фаза од ерата на мобилната вештачка интелигенција. Воведувањето на Galaxy AI на серијата Galaxy S24 беше само почеток. За да испорачаме целосно ново и уникатно искуство со вештачката интелигенција, дополнително ќе го оптимизираме искуството со Galaxy AI на претстојните уреди на преклоп. Нашите уреди на преклоп се најразновидните и најфлексибилните форм-фактори во Samsung Galaxy, и кога се комбинираат со Galaxy AI, овие две комплементарни технологии заедно ќе ги откријат сите нови можности.

Samsung, исто така, е посветен на проширување на искуствата со Galaxy AI низ поширокиот екосистем на Galaxy на начин на кој само Samsung го може тоа. Како што ерата на мобилната вештачка интелигенција се движи напред со брзо темпо, Samsung ги забрзува иновациите на мобилната вештачка интелигенција за да ги задоволи потребите не само на денешницата, туку и на утрешнината.

За Samsung Electronics

Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.