Тешки борби се воделе во текот на ноќта меѓу израелските војници и членовите на Хамас во северниот дел на Појасот Газа, според двете страни. Бригадите Ал-Касам, военото крило на Хамас, известија за судири во северозападниот дел на крајбрежниот појас. Борците на Хамас ги нападнаа израелските војници во областа и југоисточно од градот Газа со противтенковски гранати.

Израелската армија соопшти дека во текот на ноќта војниците наишле на терористички ќелии кои нападнале со противтенковски ракети и рачни гранати. Следеле долги битки, при што израелската војска нападна со артилерија и воздушни сили.

Убиени се „десетици терористи“, а уништена е и инфраструктурата на Хамас, соопшти израелската војска.

Најмалку 16 израелски војници се убиени од почетокот на копнените операции во Појасот Газа. Израел ја напаѓа Газа повеќе од три недели како одговор на најтешкиот масакр во неговата историја, кој на 7 октомври го извршија терористи од Хамас и други екстремистички групи.

Израелската телевизија синоќа јави дека, според последните информации, во ненадејниот напад учествувале околу 3.000 милитанти.