Земјотрес со јачина од 5,7 степени според Рихтеровата скала денеска го погоди Сан Хуан во Аргентина, соопшти Европско-медитеранскиот сеизмолошки центар (EMSC).

Земјотресот е регистриран нешто по 10 часот на околу 113 километри од областа Винчина.

Според ЕМСЦ, епицентарот на земјотресот бил на длабочина од 97 километри.

Засега нема извештаи за жртви или материјална штета.