Претседателот на Украина, Володимир Зеленски, денеска соопшти дека пристигнал во Букурешт, каде што ќе разговара со неговиот романски колега Клаус Јоханис, со цел зајакнување на „добрососедските односи“.

„Украина е благодарна за поддршката на Романија, која ја зајакнува нашата земја. Ние сме благодарни и за конструктивната солидарност, која им овозможува на нашите нации да бидат гарант за безбедноста во светот, особено во областа на снабдувањето со храна. Ние веќе изградивме и проширена соработка која ја одржува стабилноста за многу земји“, напиша Зеленски на Твитер.

Тој посочи и дека ќе се разговара за понатамошна безбедносна соработка, развој на авијацијата и други коалиции, кои ќе ја зајакнат украинската воздушна одбрана, безбедноста на црноморската архитектура, како и односите со партнерите.

„Романија е пријател кој ни помогна во најтешките денови и чија поддршка со текот на времето расте. Сигурен сум дека оваа посета ќе биде од корист за двата народа“, рече Зеленски.