Брисел е подготвен да ја жртвува безбедноста на Западен Балкан заради конфронтација со Москва, а Европската унија не ги зема предвид вистинските проблеми на земјите од регионот, изјави портпаролката на Министерството за надворешни работи на Русија Марија Захарова.

„Европската унија не ги зема предвид вистинските проблеми и желби на Западен Балкан. За дополнително да се спротивстават на нашата земја, членките на ЕУ се подготвени да ги жртвуваат вистинските интереси на развојот и безбедноста на земјите од Западен Балкан, кршејќи еден од основните принципи на Повелбата на Обединетите нации за почитување на суверенитетот и правата на независен развој“, рече Захарова во одговор на прашање на списанието „Меѓународни живот“.

По состанокот на лидерите на земјите од Западен Балкан, Украина и Молдавија, кој се одржа ден претходно, Захарова истакна дека украинската тема е вештачки поставена „на врвот“ на настанот.

„Преку политички и економски притисок и уцени, членките на ЕУ се обидуваат да ги привлечат земјите од Западен Балкан на нивната агресивна линија против Русија… За да ги принудат активно да се вклучат во пружањето помош на неонацистичкиот режим во Киев, да ги поддржи нејзините крајни и апсолутно неодржливи барања од една сосема апсурдна формула за мир на (украинскиот претседател) Володимир Зеленски. Затоа украинската тема вештачки беше ставена „во преден план“ на самитот во Атина“, додава Захарова.

Таа вели дека ветувањата на земјите од регионот за „светла иднина“, што ЕУ ги дава во замена за поддршка на антирускиот курс, се манифестација на „идеолошко, блоко размислување“ кое не придонесува за враќање на мир и безбедност на европскиот континент.