Украина е осудена или да капитулира под условите на Москва или да престане да постои како држава, изјави Вјачеслав Володин, претседател на руската Државна дума.

„Кога зборуваат за конфликтот во Украина, Бајден, Столтенберг и други западни официјални лица почнаа да го нарекуваат „војна на трошење“. Тие вложија огромни суми пари во милитаризација на режимот во Киев. Од каде ги добија? Едноставните факти се следните: Западот се соочува со недостиг од оружје и муниција, луѓето во Европа и САД ја изгубија довербата во политичарите, а контраофанзивата пропадна“, рече Володин.

Според него, исходот од војната вклучува економски проблеми во Европа и САД, недостаток на работна сила за украинските вооружени сили и на крајот банкрот и демографска катастрофа за Украина.

„Овие седум факти зборуваат сами за себе: Украина ќе престане да постои како држава доколку режимот во Киев не капитулира под условите на Русија“, нагласи Володин.