Европската комисија денеска соопшти дека ќе обезбеди дополнителна хуманитарна помош за Украина во износ од 40 милиони евра за да може земјата да се подготви за претстојната зима.

„Со немилосрдните напади врз енергетската инфраструктура на Украина, Комисијата ги зголемува хуманитарните средства за ранливите Украинци со дополнителни 40 милиони евра пред почетокот на зимата“, се наведува во соопштението на Комисијата.

Како што се објаснува, 35 милиони евра се наменети за хуманитарни проекти во Украина, а пет милиони евра за поддршка на украинските бегалци и нивните заедници во Молдавија, пренесуваат светските агенции.