Патнички воз вчера се судри со машина за чистење снег во близина на Чикаго, при што беа повредени десетици луѓе. Во несреќата повредени се 38 лица, главно патници, соопштија на прес-конференција од итната помош.

Меѓу повредените, 23 лица се пренесени во болници, а две или три се тешко повредени, но никој не е во животозагрозувачка состојба, изјави за новинарите претставникот на итната служба Кит Греј. Несреќата се случила околу 10:30 часот по локално време.

Возот кој се движел со нормална брзина, според првите елементи од истрагата, се судрил со машина за отстранување снег која била на истата пруга.