Ураганот Отис стигна до брегот на Мексико, недалеку од познатото летувалиште Акапулко на брегот на Пацификот, соопшти Американскиот национален центар за урагани (NHC).
„Сателитските снимки покажуваат дека Отис пристигнал недалеку од Акапулко околу 8.25 часот“, соопшти НХЦ истакнувајќи дека ветровите достигнале брзина од 270 километри на час.
WATCH: Conditions worsening in Acapulco, Mexico as Category 5 Hurricane Otis moves ashore pic.twitter.com/qIcJKJxD4U
— BNO News (@BNONews) October 25, 2023
Ураганот Отис, со максимална јачина 5 на скалата Сафир-Симпсон, е потенцијално катастрофален, но може да ослаби додека се движи понатаму кон брегот, според прогнозите на NHC.
Мексиканскиот претседател Андрес Мануел Лопез Обрадор објави предупредување до жителите на социјалната мрежа X да останат на сигурно место.
Струјата беше исклучена како мерка на претпазливост во Акапулко, каде што ураганот донесе силен дожд и силен ветер.
Училиштата се затворени, а туристичките агенции ги прекинаа сите активности планирани за денеска.
