Едно лице загина, а 172 беа спасени откако избувна пожар на ферибот што пловеше од Бали рано во среда. Несреќата се случи во морето покрај островот Ломбок, а спасувачките екипи сè уште ја пребаруваат областа за евентуално исчезнати лица, објави Ројтерс.
Спасувачка операција
Фериботот КМ Путри Јасмин исплови од пристаништето Падангбаи на Бали кон пристаништето Лембар во Ломбок. Според Мухамед Харијади, раководител на локалната служба за спасување, пожарот избувнал во теснецот Ломбок во 4:39 часот по локално време.
#SONDURUM – Endonezya’da feribot yangını
Alev alan feribottaki 131 kişiden 106’sı kurtarıldı. pic.twitter.com/VYajEa7gtj
— Habertürk TV (@HaberturkTV) August 12, 2026
Харијади потврди дека 172 лица биле спасени до среда попладне и однесени во пристаништата на Бали и Ломбок. Меѓу нив бил и еден австралиски државјанин, додека останатите биле Индонезијци. Еден индонезиски државјанин е потврден како мртов.
„Испративме неколку бродови за евакуација и ја координираме операцијата со други бродови што беа во близина“, рече Харијади. Тој додаде дека повеќе од 200 лица се вклучени во спасувачката операција.
🇮🇩⚡️ A passenger ferry carrying an estimated 130 people caught fire off the coast of Lombok Island, Indonesia, according to local authorities. pic.twitter.com/KHjvFnG3dp
— Mr. Guardian (@MrGGuardian) August 12, 2026
Бројот на патници е нејасен
Причината за пожарот сè уште не е утврдена. Исто така, не е јасно дали преоптоварувањето на бродот придонело за несреќата, со оглед на тоа што бројот на спасени далеку го надминува официјалниот список на патници. Хери Вијанто, службеник во пристаништето Падангбаи, претходно изјави за локалната телевизија дека бродот превезувал 114 патници и 17 членови на екипажот според манифестот.
INDONESHIA इंडोनेशिया के बाली के पास बुधवार को एक बोट (Ferry) में भीषण आग लग गई। समुद्रकी खतरनाक लहरों के बीच और तेज हवा के बीच आग ने पूरी फेरी को पलभर में ही चपेट में ले लिया है। #indoneshia #bali #fire #boat pic.twitter.com/zbq9nl2g0K
— media_sunilkumar (@sunilkhimachali) August 12, 2026
Безбедносен проблем на море
Несреќата се случила помалку од еден месец по сличен инцидент кај островот Мадура, кога фериботот КМ Мутиара Сентоса 2 се запалил. Пет лица загинаа тогаш, а и тој брод превезувал повеќе патници од дозволеното.
Индонезија е архипелаг од 17.000 острови, каде што фериботскиот транспорт е клучен бидејќи е значително поевтин од воздушниот транспорт. Сепак, безбедносните стандарди честопати не се спроведуваат доследно, поради што поморските несреќи се чести во земјата.
