Кусо по пресудите за поранешните водачи на ОВК во Хаг, протестот на собраните поддржувачи на плоштадот Маливелд ескалира во судири, при што полицијата употреби воден топ, јавуваат холандски медиуми.
Неколку стотици Албанци од Косово се собраа пред судот за да им дадат поддршка на Хашим Тачи, Кадри Весели, Реџеп Селими и Јакуп Красниќи за време на изрекувањето на пресудата.
🇳🇱 Albanian protesters surrounded and climbed on Dutch police vans outside the Kosovo Specialist Chambers in The Hague.
The protest follows the sentencing of former KLA leaders to a combined 81 years in prison for war crimes and crimes against humanity committed during the…
— Europa.com (@europa) September 16, 2026
РТС јавува дека група демонстранти со камења, гранки и јарболи од знамиња ги гаѓала припадниците на специјалните полициски сили. Според информациите на телевизијата, која се повикува на извештаи на холандските медиуми, некои од собраните се качиле на покривот на полициско возило во движење и скокале врз него, додека други ги оштетиле ретровизорите и фрлале предмети кон службените возила.
Полицијата реагирала со силно потиснување на демонстрантите. По интервенцијата, ситуацијата во Хаг се смирила, а собраните се разотишле.
Специјализираните совети на Косово во Хаг ги осудија четворицата поранешни водачи на ОВК – Хашим Тачи, Јакуп Красниќи, Кадри Весели и Реџеп Селими – на вкупно 81 година затвор за воени злосторства.
