Американскиот новинар и коментатор Такер Карлсон денеска изјави дека поранешниот американски претседател Доналд Трамп би можел да биде убиен.

„Почнаа со критики, па протестираа, па го отповикаа. Сега тие подигнуваат обвиненија и ништо од тоа не функционира. Што е следно“, праша Карлсон за време на гостувањето во подкаст.

Тој додаде дека се оди кон атентат на Доналд Трамп.

„Никој нема да го каже тоа, но не знам како не можете да дојдете до тој заклучок“, рече Карлсон.

Минатата недела новинарот објави интервју со Трамп во кое, меѓу другото, директно го праша поранешниот претседател дали мисли дека може да биде убиен.

„Дали сте загрижени дека ќе се обидат да ве убијат? Искрено, зошто не би се обиделе да ве убијат“, праша Карлсон, на што Трамп одговори: „Тие се дивјаци. Тоа се луѓе кои се болни“.

Сите анкети на јавното мислење покажуваат дека Трамп повторно ќе биде кандидат на Републиканската партија на претседателските избори во 2024 година.