Доналд Трамп беше нападнат на неговиот митинг во Пенсилванија.

Додека го држел говорот, биле испукани неколку истрели. Засега не е познато какво оружје е употребено, но откако биле испукани, Трамп се спуштил или паднал на земја.

Тој брзо беше опкружен со вооружено обезбедување, а Трамп остана долу околу една минута. Во позадина се слушаа врисоци на насобраните поддржувачи.

Трамп потоа стана и ја крена тупаницата во воздух, пред да биде придружуван од бината до возило и потоа да биде однесен од местото на настанот.

На видеото кое се појавило се гледа крв на неговото уво. Поранешниот претседател изгледаше како да ја стиска главата додека се спушташе кон земјата.

Напаѓачот и еден од посетителите на толпата се убиени, потврди окружниот обвинител на округот Батлер. Покрај двајцата загинати, едно лице е во критична состојба.