Иранската државна телевизија ја прочита првата изјава на новиот врховен лидер на Иран, ајатолахот Моџтаба Хамнеи. Изјавата не беше видео ниту аудио обраќање, туку текст што го прочита телевизиска водителка.
Во пораката, новиот лидер порача дека американските воени бази во регионот треба веднаш да се затворат, во спротивно ќе бидат нападнати.
Тој нагласи дека Иран не ги таргетира соседните земји, туку исклучиво американските воени објекти кои учествуваат во нападите врз Иран.
BREAKING:
Iran’s new Supreme Leader, Mojtaba Khamenei, has not appeared publicly or spoken live on television. Instead, his message was read on Iranian state TV.
There have previously been unconfirmed speculations that he was wounded or possibly killed in an Israeli/US… pic.twitter.com/duFLAhYVf6
— Visegrád 24 (@visegrad24) March 12, 2026
Хамнеи исто така изјави дека Ормутскиот теснец ќе остане затворен, со цел да се изврши притисок врз противниците на Иран.
Во изјавата најави и продолжување на одмаздата за загинатите. „Ќе ја одмаздуваме крвта на нашите маченици“, порача тој.
Новиот врховен лидер ѝ се заблагодари на иранската војска, велејќи дека таа спречила земјата да биде потчинета или поделена додека е под напад.
Тој додаде дека вооружени групи во Јемен и Ирак го поддржуваат Иран во конфликтот, а повика и на подобрување на односите со соседните држави. Исто така најави бесплатно лекување за повредените и финансиска помош за оние кои претрпеле штета.
