Портпаролот на катарското Министерство за внатрешни работи, Мајед ал Ансари, објави дека е постигнат договор за продолжување на хуманитарниот прекин на огнот за дополнителни два дена во Појасот Газа.
„Државата Катар објавува, како дел од тековното посредување, дека е постигнат договор за продолжување на хуманитарниот прекин на огнот за дополнителни два дена во Појасот Газа“, рече Ал Ансари.
Young prisoner Omar Abu Mayaleh from the town of Silwan in occupied Jerusalem joyfully reunites with his mother after being released as part of a deal with the Israel occupation state. #Palestine 🇵🇸 pic.twitter.com/vvkmUNhfeD
— Quds News Network (@QudsNen) November 27, 2023
Израел доби список на израелски заложници кои денеска треба да ги ослободи Хамас, соопшти кабинетот на премиерот Бенјамин Нетанјаху.
Списокот на заложници во моментов се разгледува и „во моментов се доставуваат известувања до семејствата на оние кои ќе бидат ослободени по повеќе од 50 дена поминати како заложници во Газа“, се вели во соопштението.
Израел ослободи уште 33 палестински затвореници, од кои 30 деца, како дел од четвртата размена на заложници според договорениот прекин на огнот.
Израелската затворска служба соопшти дека затворениците биле ослободени од затворот Офер на Западниот Брег и притворниот центар во Ерусалим, со што вкупниот број на ослободени Палестинци од петокот се искачи на 150, пишува Гардијан.
Израелската влада одобри ослободување на 50 палестински заложници како дел од договорот за продолжување на привремениот прекин на огнот со палестинската милитантна група Хамас во Газа и обезбедување ослободување на уште речиси 20 Израелци кои ги држеше Хамас во заложништво од 7 октомври, пишува „Тајмс оф Израел“.
