Елон Маск ја продолжува својата расправија со британскиот премиер Кир Стармер за немирите што ја зафатија Велика Британија.
Милијардерот објави видео на „Икс“ на кое се гледа како полицајци апсат маж поради навредливи коментари на Фејсбук.
„Уапсен поради коментар на Фејсбук! Дали е ова Британија или Советскиот Сојуз? Дали е ова вистина @Community Notes“, напиша Маск, означувајќи ја услугата за проверка на факти на „Икс“.
Arrested for making comments on Facebook!
Is this Britain or the Soviet Union?
Is this accurate @CommunityNotes? https://t.co/ov7lKEUl2C
— Elon Musk (@elonmusk) August 6, 2024
На видеото се гледа како полицаецот му кажува на мажот дека е уапсен под сомнение оти неправилно користел електронска мрежа за комуникација. Наведеното кривично дело се однесува на испраќање пораки од „искучително навредлива или непристојна или заканувачка содржина“ и може да резултира со максимална затворска казна од шест месеци или парична казна.
Маск, исто така, го праша Стармер: „Зошто сите заедници не се заштитени во Британија?“. Тоа беше коментар на видеото на кое се гледа толпа маскирани луѓе околу паб, а некои од нив веат палестинско знаме. Маск веќе даде сличен коментар во понеделникот, откако Стармер рече дека нема да толерира напади врз муслиманските заедници.
Why aren’t all communities protected in Britain? @Keir_Starmer https://t.co/gldyguysNe
— Elon Musk (@elonmusk) August 6, 2024
Џамиите и хотелите во кои се сместени баратели на азил беа меѓу целите на немирите низ Британија минатата недела, пишува „Скај њуз“. Расправијата меѓу британскиот премиер и американскиот мултимилијардер започна кога Маск изјави дека граѓанската војна е неизбежна во Велика Британија.
Немирите избија минатиот вторник по смртоносниот напад со нож во кој беа убиени три девојчиња. Немирите потоа се проширија и во другите градови низ земјата. Аксел Рудакубана, млад човек роден во Кардиф, чии родители се по потекло од Руанда, е одговорен за убиството на трите девојчиња.
