Поради поплави предизвикани од обилните дождови, илјадници луѓе денеска се евакуирани во Чешка, Полска и долна Австрија, која е прогласена за зона на катастрофа.
Водостојот на реките во Централна Европа продолжува да расте, вклучувајќи го и Дунав.
Во Австрија поројот целосно потопи автопат.
Службите за итни случаи со часови се борат со обилните врнежи што доведоа до поплави. Ситуацијата сега е критична и во Виена, каде што почна евакуацијата на загрозените жители. Во акцијата во Тулн загина еден пожарникар, а во спасувањето на граѓаните учествуваа и хеликоптери.
Ein Black Hawk S-70 des #Bundesheer ist im Einsatz bei der B19 bei Markersdorf. Lebensrettung zweier Personen. pic.twitter.com/h9yCGs31IJ
— Michael Bauer (@Bundesheerbauer) September 15, 2024
Поплавите предизвикани од циклонот Борис доведоа до излевање на река во Виена. Поплавени се куќите во 14-тиот арондисман, а луѓето се итно евакуирани. Пожарникарите се на терен и предупредуваат дека ситуацијата дополнително ќе стане критична, бидејќи во текот на денот се очекуваат рекордни врнежи.
Wien hochwasser #donaukanal #strandbarhermmann #urania #wienfluss pic.twitter.com/qCeE09xa2g
— kaufroli (@kaufroli) September 15, 2024
Итните служби на Виенската професионална противпожарна бригада биле повикани на повеќе од 1.100 интервенции во последните 24 часа. Околу половина од тие интервенции се поради врнежите, а другата половина поради ветер.
💦 Die Wien, 9h in der Früh. Höhe U4 Unter St. Veit. #Wienfluss #Hochwasser #Wien pic.twitter.com/751y5EXM3H
— clang⭐️ (@Christine_clang) September 15, 2024
