Израелските воздухопловни сили фрлија летоци над Бејрут со порака до цивилното население да се спротивстави на Хезболах и да ја преземе контролата врз иднината на Либан.
Во пораката, либанските граѓани се повикуваат да ја разоружаат организацијата, која во летокот е наречена „ирански штит“.
BREAKING:
The Israeli Air Force dropped leaflets in Beirut a short while ago, calling on civilians to act against Hezbollah:
“You must disarm Hezbollah, Iran’s shield. Lebanon is your decision, not someone else’s.
Not someone else’s. Stability isn’t just a word. For every… pic.twitter.com/l1ufhlsFcQ
— Visegrád 24 (@visegrad24) March 13, 2026
„Разоружајте го Хезболах, иранскиот штит. Одлуката за Либан е ваша, а не туѓа“, се наведува во пораката.
Во летокот се додава дека израелската воена единица 504 работи на обезбедување подобра иднина за Либан и неговиот народ.
Во меѓувреме, либанската армија ги предупреди жителите на Бејрут да не ги скенираат QR кодовите што се наоѓаат на летоците. Според либанската Национална новинска агенција, кодовите водат кон групи на „Ватсап“ и „Фејсбук“ се поврзани со израелска воено-разузнавачка единица.
Од либанската војска предупредуваат дека скенирањето на кодовите и отворањето на линковите може да носи правни и безбедносни ризици, вклучително и можност за хакирање на уредите на корисниците.
