Сириските бунтовници прогласија крај на владеењето на претседателот Башар ал Асад откако го освоија Дамаск.
Набрзо тие упаднаа во палатата на Асад во Дамаск, каде што, како што пренесе АФП, запалиле една сала.
#BREAKING Reception hall at Damascus presidential palace set on fire: AFP pic.twitter.com/Y50XP2pyMT
— AFP News Agency (@AFP) December 8, 2024
Илјадници луѓе се собраа во Дамаск за да го прослават ослободувањето од династијата Асад, извикувајќи „Слобода“ на главниот плоштад во градот. Премиерот Мохамад Гази ал Џалали повика на слободни избори, нагласувајќи ја потребата од демократски реформи.
Во моментот на преземање на главниот град, бунтовниците отидоа и во приватната палата на Асад во областа Малкех, каде што ги пребараа просториите и ги земаа работите. На снимките и фотографиите од местото на настанот се гледа како луѓето слободно шетаат низ луксузните простории, додека некои, револтирани од владеењето на Асад, уништуваат инвентар и крадат вредни предмети.
🇸🇾 Syrians loot Assad’s palace!
They grab all they can. pic.twitter.com/22KEoEwE7t
— Lord Bebo (@MyLordBebo) December 8, 2024
На едно од видеата наводно се гледа собата на ќерката на Башар ал Асад. Шкафовите се отвораат, работите се исфрлаат низ собата.
Авионот за кој се верува дека го превезувал сирискиот претседател Башар ал Асад исчезнал од радарите, а некои сириски извори сега тврдат дека е можно Асад да го загубил животот при падот на авионот.
Авионот на Сирија ер полета од аеродромот во Дамаск во исто време кога бунтовниците објавија дека го зазеле главниот град.
Русија објави дека Асад поднел оставка и ја напуштил Сирија.
