Бакнувањето рака на постар човек е обичај во Турција и подразбира покажување почит кон постарата личност, пишува „Нова.рс“.

Видео на кое се гледа како турскиот претседател Реџеп Таип Ердоган му удира шлаканица на момче затоа што не сакал да му бакне рака, предизвика бурни реакции на социјалните мрежи, пренесуваат медиумите во регионот.

Инцидентот се случил за време на церемонијата на отворање на реновирани куќи во северната провинција Ризе овој викенд.

По говорот, Ердоган на сопствениците им ги поделил клучевите од обновените куќи.

Две момчиња од исто семејство излеглле на сцената пред своите родители. Кога излегле на сцената, Ердоган им ја подал раката да ја бакнат.
Едно од момчињата збунето гледало во турскиот претседател неколку секунди, а потоа, според написите, одбило да му ја бакне раката.