Две лица се спасени од јахта откако биле заглавени во текот на ноќта во екстремни временски услови во близина на јужниот брег на Нов Јужен Велс, пишува Гардијан.

Спасувачката операција започна вчера, но беше прекината во текот на ноќта поради екстремни временски услови.

Во акцијата учествувале полицијата и морнарицата, а ситуацијата ја влошил ветерот кој дувал меѓу 50 и 70 километри на час, а брановите достигнале и шест метри.

Јахтата на која се наоѓале доживеала механички дефект и почнала да навлегува во вода. Полицијата пуштила помал морски чамец, а од бродот еден по еден морале да скокнат 60-годишен маж и 48-годишна жена.

„Тие се уморни, но неповредени“, изјави инспекторот Ентони Бразил.

Јахтата останала на море. „Наш приоритет е спасување животи, а не бродови“, додаде тој.