Ураган од четврта категорија, еден од најсилните овој век, ја погоди Флорида. Засега не се познати последиците бидејќи таму е ноќ, а гувернерот најави дека повеќе ќе знае наутро по локално време.
Жител на Флорида изјави за Си-ен-ен дека смета дека бурата нема да биде сериозна.
„Бурата започна прилично бавно, а потоа, бидејќи живеам во близина на водата, одеднаш почна и нивото на водата само се зголемуваше и растеше“, изјави жителот за Си-ен-ен.
Hurricane Helen Tampa Florida Matt Heller from Hornblasters.com house flooding
Тој на социјалните мрежи објави видео на кое може да се види како весла низ дневната соба на виолетов кајак, додека околу него плутаат растенија, апарати и мебел.
„Тоа беше мојот план за бегство ако работите тргнат наопаку. Имаме два кајака. Не очекував дека ќе ми требаат во дневната соба“, рече тој.
@mattfromhornblasters.com #LIVEhighlights #TikTokLIVE #LIVE ♬ original sound – Matthew Heller
Тој додаде дека во минатото имал поплави дома, но ова е најголемата поплава што ја доживеал.
Хелер подоцна се пошегува дека е типичен човек од Флорида кој поминал многу бури во текот на својот живот.
