Кривичниот суд во Авињон утре ќе ја донесе пресудата за Доминик Пелико и уште 50 други мажи обвинети за повеќегодишно силување на Жизел Пелико, сопругата на првообвинетиот, која со својата одлука да го отвори судењето за јавноста со цел привлече внимание на сексуалните злосторства врз жените, стана икона на феминизмот низ целиот свет.

Во ноември, обвинителот побара максимална затворска казна од 20 години за Доминик Пелико, кој ги организирал групните силувања на неговата сопруга Жизела додека била дрогирана и онесвестена, речиси цела деценија.

Пелико ги снимал силувањата и споделил фотографии и видеа од неговите искуства со сопругата.

Според сопственото признание, тој регрутирал силувачи на Интернет. За другите обвинети, 51 од нив, француското обвинителство побара казни од 10 до 18 години затвор.

Сега 72-годишната Жизел Пелико од самиот почеток одби на судење зад затворени врати, наспроти советите на адвокатите на обвинителството и одбраната кои сакаа да избегнат судењето да се претвори во „спектакл“.

Одлуката да се отвори судењето и да се разголи Пелико ја објасни со следните зборови: „Срамот нека ја смени страната за да можат жените, жртви на силување, да кажат: ако г-ѓа Пелико зборуваше јавно, можам и јас“.

Со таа одлука случајот привлече големо внимание и го следат 166 акредитирани медиумски куќи, меѓу кои 76 странски. Социјалните мрежи горат, сите имаат свое мислење: политичари, судии, интелектуалци. Покрај дискусиите за злото на сексуалното насилство, се дебатира и за намерното дрогирање на луѓе без нивно знаење, како што е ставањето дрога во пијалоци и прашањето за согласност за сексуален однос.