Туристка решила да поднесе тужба против луксузен хотел и го изнесе случајот до Врховниот суд, откако ѝ било одбиено да ѝ послужат бесплатна вода од чешма. Сега е донесена пресуда во Италија.

Врховниот суд на Италија одлучил дека хотел со пет ѕвездички во Доломитите не постапил незаконски кога одбил да ѝ послужи вода од чешма, образложувајќи дека не постои законска обврска угостителските објекти да обезбедуваат бесплатна вода од јавната водоводна мрежа.

Според „Би-Би-Си“, случајот се однесува на туристка која барала отштета од 2.700 евра поради, како што навела, емоционална и материјална штета откако во ресторанот на хотелот во Корвара за време на ски-сезоната 2019 година не ѝ била понудена вода од чешма.

Наместо тоа, персоналот ѝ понудил флаширана минерална вода по цена од седум евра.

Таа тврдела дека ѝ се прекршени потрошувачките права и дека водата од чешма треба да се смета за основна услуга, споредувајќи ја со постелнина или сапун во хотелска соба.

Судот, сепак, утврдил дека италијанските закони не ги обврзуваат хотелите да служат вода од чешма, туку тоа останува на избор на самите угостители. Одбраната на хотелот истакнала дека не постои таква законска обврска.

Како што наведува „Би-Би-Си“, во Англија и Велс постои законска обврска угостителските објекти да обезбедат бесплатна вода за пиење на барање на гостите.

Фото: Depositphotos