Суданските паравоени сили за брза поддршка (РСФ) соопштија дека собориле транспортен авион во Дарфур, на западот на земјата. Се појавија снимки на кои се гледаат паравоени борци како стојат на поле преполно со остатоци.
Борците на снимката покажуваат нешто што изгледа како документи за идентификација пронајдени во несреќата.
✈️🔥 In Sudan, an Il-76 cargo plane carrying Russians was shot down! pic.twitter.com/JoepmzEE9L
— MAKS 24 🇺🇦👀 (@Maks_NAFO_FELLA) October 21, 2024
Руската амбасада во Картум потврди дека руски дипломати го истражуваат инцидентот што се случи во близина на границата со Чад. Во пораката од амбасадата се наведува дека Руси би можеле да бидат во авионот во тој момент. РСФ е во војна со суданската армија од април минатата година.
Паравоените сили тврдат дека собориле „странски воен авион“ кој и помагал на суданската армија. Без да понудат докази, тврдат дека соборениот авион фрлал бомби врз цивили. „Во операцијата беа елиминирани сите странски платеници во авионот“, се вели во соопштението.
Bad news: Russia sent an IL-76 military cargo plane full with weapons to a terrorist grouping in Sudan.
Good news: the terrorists have shot it down on friendly fire.
Ergo: dismantle Russia and you will be surprised how strongly world terrorism will declinepic.twitter.com/svkvuERIP8— Sergej Sumlenny, LL.M (@sumlenny) October 21, 2024
На видеата борците на РСФ стојат покрај запалените остатоци и велат дека го собориле авионот со проектил земја-воздух. Тие покажуваат документи за идентификација, вклучувајќи руски пасош и лична карта поврзана со компанија со седиште во Обединетите Арапски Емирати, чиј телефонски број е исклучен.
Стутканата безбедносна картичка, исто така, наводно од авионот, го идентификуваше авионот како Иљушин Ил-76 управуван од Њу Веј Карго од Киргистан. Интересно е што групата Conflict Observatory, која е финансирана од американскиот Стејт департмент и ја следи војната во Судан, го поврза споменатиот авион со вооружувањето на Силите за брза поддршка. Оттука произлегува дека РСФ можеби случајно го соборила авионот.
