Републиканскиот кандидат Доналд Трамп го презеде водството пред демократката Камала Харис во Пенсилванија, најважната од седумте клучни држави кои ќе одлучуваат за идниот станар на Белата куќа.

По пребројани 54 отсто од гласовите, Трамп води со 50,9 отсто наспроти Харис со 48,1 отсто во Пенсилванија.

Ниту во една од клучните држави – Невада, Аризона, Северна Каролина, Џорџија, Висконсин, Мичиген или Пенсилванија – досега не е објавен победник.

Во Аризона и Висконсин, Трамп и Харис се речиси изедначени, Трамп е блиску до победа во Џорџија и води во Северна Каролина, додека Харис води во Мичиген, пренесува Си-ен-ен.

Досега Трамп освои вкупно 210 електори во споредба со 113-те на Харис. За победа се потребни 270 електорски гласови