Новоизбраниот американски претседател Доналд Трамп изјави дека сирискиот претседател Башар ал Асад побегнал од својата земја откако ја изгубил поддршката од Русија.

„Асад го нема“, напиша тој на својата платформа „Truth Social“.

„Неговиот заштитник, Русија на чело со Владимир Путин, повеќе не беше заинтересиран да го заштити“, напиша Трамп.

Сирискиот претседател Башар ал Асад денеска се качи на авион и го напушти Дамаск кон непозната дестинација, изјавија за Ројтерс двајца високи воени офицери, додека бунтовниците рекоа дека влегле во главниот град без никаков знак за распоредување на армијата и го слават падот на сирискиот претседател.

Граѓанската војна во Сирија, која избувна во 2011 година како бунт против владеењето на Асад, ги привлече големите надворешни сили, создаде простор за џихадистичките милитанти да планираат напади ширум светот и испрати милиони бегалци во соседните земји.

Хајат Тахрир ал-Шам, најмоќната бунтовничка група, е поранешен огранок на Ал Каеда во Сирија.