Таткото на заложникот на Хамас, кој беше спасен за време на операција во Газа, почина само еден ден пред неговиот син да биде извлечен од заробеништво.

Алмог Меир Јан (22) беше затвореник на Хамас осум месеци, откако беше киднапиран на музичкиот фестивал Нова на 7 октомври минатата година. Алмог е еден од четворицата заложници кои беа спасени од Газа во саботата.

Во месеците пред ослободувањето на Алмог, здравјето на неговиот татко Јоси се влоши и тој беше „залепен за телевизорот“, изјави неговата сестра Дина за израелската телевизија Кан.

„Тој беше загрижен поради тоа што Алмог е во рацете на убијците, што се случува со него и низ што поминува“, рече Дина.

Се верува дека Јоси Јан починал како последица на срцев удар.

„Мојот брат почина од тага и не дочека да го види враќањето на синот“, изјави Дина Јан.