Десетици летови во Велика Британија беа откажани поради бурата Катлин, која донесе ветрови до 112 километри на час и го предизвика најтоплиот ден во годината досега.

Откажани се околу 140 летови кои поаѓаат и пристигнуваат на британските аеродроми, оставајќи ги патниците блокирани во Единбург, Белфаст, Манчестер и Бирмингем, објави Гардијан.

Метеоролошката канцеларија, исто така, издаде жолто метео предупредување за северозападниот и југозападниот дел на Англија и делови од Северна Ирска, Шкотска и Велс.

Температурата достигна 20,9 степени Целзиусови во Сантон Даунхам, Сафолк, што го прави денешниот ден најтоплиот ден во годината бидејќи топол воздух се пресели од континентот.

Невремето Катлин се очекува да ослаби до утре навечер.