Унгарскиот министер за надворешни работи Петер Сијарто ја критикуваше агендата на денешниот состанок на министрите за надворешни работи на ЕУ во Брисел за разгледување на нова воена помош за Украина во износ од над шест милијарди евра и покрај предлозите за примирје за време на божиќните празници.

Тој посочи дека очекува „голема борба“ на таа средба и повтори дека унгарската влада инсистира на тоа дека во Украина е потребен прекин на огнот, а не повеќе оружје.

Сијарто на Фејсбук напиша дека предлозите на дневниот ред на средбата покажуваат дека „мнозинството се уште не ја гледа новата реалност“.