Повеќе од 58,67 милиони Американци веќе го искористиле своето право на предвремен глас за конгресните избори, што претставува рекорд за избори одржани на половина од четиригодишниот претседателски мандат, објави Изборната лабораторија на Универзитетот во Флорида.

Како што објави американската телевизиска мрежа CNN, пред четири години тој број изнесувал 45,92 милиони, што претставува зголемување од речиси 28 проценти.

Во федералните држави кои водат евиденција за политичката припадност на гласачите, досега гласале околу 12,5 милиони демократи, 9,1 милиони републиканци и 7,4 милиони независни гласачи.

Сепак, овие податоци не откриваат за кои кандидати се дадени тие гласови.

Околу 250 милиони Американци имаат право на глас, пишува медиумот.

Покрај изборите за членови на Конгресот, низ целата земја се избираат и гувернери во 36 федерални држави. Исто така, ќе се одржат 145 референдуми во различни земји, кои ќе опфаќаат прашања од правото на абортус до реформата на данокот на доход.

Првите, привремени резултати ќе бидат објавени по затворањето на гласачките места, следејќи ги временските зони.

Официјалните резултати ќе бидат потврдени подоцна, во согласност со распоредот утврден во секоја поединечна федерална држава.

Фото: ЕПА