Најмалку шест лица загинаа, а едно лице е рането во џамија во авганистанскиот град Андишех во областа Гузара, изјави авганистанскиот министер за внатрешни работи Абдул Матин Кани.

Тој изјави дека „непознато вооружено лице пукало во цивилни верници во џамијата“ вчера во 21 часот по локално време, пренесува Ал Џезира.

Меѓу убиените е и имамот на џамијата во која се молеле шиитските муслимани.

Ројтерс јавува дека меѓу жртвите има и дете.