Шефот на украинската дипломатија поднесе оставка

Украинскиот министер за надворешни работи Павло Климкин денеска поднесе оставка на функцијата преку видео објавено на неговиот профил на Фејсбук, во кое најавува и дека ќе се кандидира за пратеник во Парламентот на Украина, Врховната рада.

Во видеото Климкин најавува дека својата писмена оставка ќе ја достави до Врховната рада и до новоизбраниот украински претседател Володимир Зеленски, што, според него, претставува „коректен потег од аспект на политичката култура“.

– Имам голем број идеи, кои се надевам дека ќе бидат имплементирани. Поради тоа сакам да станам член на Врховната рада, заедно со тим со кој ќе ја споделувам мојата визија за иднината, вели Климкин во видеото.
Климкин ја презеде должноста шеф на украинската дипломатија во јуни 2014 година.

Најавата за оставката на Климкин уследи откако претставник на Врховната рада денеска соопшти дека најбројната пратеничка група во Парламентот, Блокот на Петро Порошенко (БПП), се распаднала, откако од коалицијата истапила партијата Народен фронт. БПП беше пратеничка група што ја поддржуваше Владата на украинскиот претседател во заминување Петро Порошенко, чиј мандат официјално истекува в понеделник.

Партиите во Врховната Рада сега имаат рок од еден месец да формираат ново парламентарно мнозинство или во спротивно шефот на државата може да го распушти Парламентот и да распише предвремени парламентарни избори.

Вести

Државниот инспекторат постапува по екоинцидентот во Вардар, познат предизвикувачот

Државниот инспекторат за животна средина денеска изврши вонреден инспекциски надзор во комплексот на поранешна Железарница кај три правни субјекти Макстил А.Д, ЕСМ-Подружница Енергетика, Скопје и Арцелор Митал преземен од Либерти Хаус Груп, поради вчерашното загадување […]

Вести

Антикорупциска ќе поднесе жалба на одлуката на Управниот суд за Ѓорге Иванов

Државната комисија за спречување на корупцијата ќе поднесе жалба на одлуката на Управниот суд, што пресуди во полза на поранешниот претседател Ѓорге Иванов. Тој поднесе тужба против ДКСК, која поведе прекршочна постапка против него за […]

Вести

Работните групи не постигнаа договор за законот за Јавно обвинителство 

Работните групи во врска со законот за Јавно обвинителство денеска одржаа куса средба на која не беше постигнат договор. Како што посочија министерката за правда Рената Дескоска и пратеникот Антонио Милошоски од ВМРО-ДПМНЕ, меѓу нив […]