Американската комисија за хартии од вредност и тргувања на берзи (СЕК) поднесе тужба денеска против Coinbase, обвинувајќи ја најголемата платформа за тргувања со криптовалути дека ги нарушила правилата за регистрација како берза и нејзино надгледување од страна на агенцијата.

Ова е второ голем дело неделава против голем берза на крипто откако вчера СЕК поведе законска постапка против Binance и нејзиниот основач Чангпенг Жао, пишува Волстрит журнал.

СЕК обвинува дека Coinbase тргувала со најмалку 13 крипто активи што биле хартии од вредност и требало да ги регистрира кај регулаторот пред да бидат издадени. Регистрацијата вклучува давање финансиски извештаи на инвеститорите и детални информации за ризиците кои се разгледуваат од регулаторите.

Листата на активи ги вклучува жетоните како solana, cardano и polygon што СЕК ги смета за хартии од вредност.

Акциите на Coinbase денеска паднаа за 17 отсто.

Минатата недела, и главните крипто валути како bitcoin и etherеum загубија на вредност. При крајот на мај цената на bitcoin изнесуваше околу 28.000 американски долари, сега се продава по 26.000. Цената на etherеum падна од 1.900 на 1.840 долари.