Најмалку три лица загинаа при делумно уривање на станбена зграда во Хавана, јавија кубанските медиуми.

Делумното уривање на трикатната зграда, што се случи во стариот кварт на Хавана популарен меѓу туристите, уништи станови во кои живееја 13 семејства со вкупно 54 лица, пренесува „Ројтерс“.

Делот од терасата што се урна затрупа неколку лица внатре во објектот.

Властите во оваа карипска земја признаваат дека не се во можност ниту да вршат редовни поправки на дотраените станбени објекти, ниту да градат нови, често оставајќи бројни граѓани во опасни станбени услови.