Три лица загинаа во Русија при пад на хеликоптер „Робинсон Р-66“ на компанија за ископ на злато, чии остатоци ги пронајде тимот за пребарување, соопшти денеска Центарот за цивилна заштита и противпожарна заштита Амур.

Хеликоптерот кој исчезна вчера се урнал на околу 30 километри од село, а во потрагата биле вклучени 20-ина лица со теренски возила и хеликоптер Ми-8, пренесува Интерфакс.

Поведена е кривична постапка за прекршување на правилата за движење и контрола на воздухопловот, пренесува медиумот.