Град во американската сојузна држава Оклахома се согласи да плати отштета од седум милиони долари на поранешен осуденик на смрт, откако невиниот поминал речиси 50 години во затвор, објави „Фокс њуз“.

Глин Реј Симонс (71) важи за затвореник кој најмногу време поминал невин за злосторството што не го направил.

Тој беше обвинет за грабеж на продавница за алкохол и убиство на работничка, но тој тврдеше дека бил во државата Луизијана во времето кога се случило злосторството.

Градскиот совет на Едмонд минатата недела гласаше да плати отштета од 7,15 милиони долари во тужбата на Сајмонс против градот и поранешен полициски детектив, објави АП.

„Господинот Сајмонс помина трагичен период во затвор за злосторство што не го сторил. Иако тоа време не може да се врати назад, спогодбата со градот Едмонд ќе му овозможи да продолжи напред“, рече адвокатката на Сајмонс, Елизабет Ванг.

Полицијата наводно фалсификувала извештај во кој се наведува дека сведокот, кој бил ранет во пукањето, го идентификувал Сајмонс како виновник, како и друг обвинет, Дон Робертс, се наведува во тужбата, додавајќи дека полицијата сокрила докази кои покажуваат дека сведоците идентификувале уште две лица, како осомничени.

Сајмонс беше ослободен од затвор во јули минатата година и досега има добиено 175.000 долари од државата Оклахома за погрешната пресуда.

Тој одлежа 48 години, еден месец и 18 дена затвор, што е затвореникот кој најдолго поминал невин во затвор во САД.

Сајмонс и Робертс беа осудени во 1975 година за убиство на работничка во подрумот за алкохол, Керолин Сју Роџерс, и двајцата беа осудени на смрт.

Во 1977 година, нивните казни беа преиначени во доживотни, без можност за помилување.

Робертс беше пуштен на условна слобода во 2008 година, пренесува Танјуг.