Генералниот секретар на НАТО Марк Руте изјави денеска, пред почетокот на состанокот на Контакт групата за помош на Украина, предводена од Соединетите Американски Држави, во Германија, дека земјите од Алијансата мора да направат се што е можно за да и дозволат на Украина да продолжи со своите вооружени акции.

„Мораме да направиме се што е можно за да и обезбедиме на Украина потребна опрема и обука за продолжување на борбата“, рече Руте.

Тој на средбата истакна дека е клучно да се демонстрира учеството на сите земји од НАТО во давање поддршка на Украина.