Генералниот секретар на НАТО, Марк Руте, го коментираше вчерашниот напад врз патнички воз во Украина и оцени дека чинот покажува колку очаен станал рускиот претседател Владимир Путин. Руте рече дека Путин нема да успее да го разниша единството на сојузниците или да ги спречи да ѝ обезбедат понатамошна помош на Украина.
Погрешна пресметка на Путин
„Тој мисли дека може да нè спречи да ѝ помогнеме на Украина и дека може да го разниша нашето единство. Греши“, рече Руте.
NATO's Rutte:
The strike on a passenger train in Ukraine yesterday shows how desperate Putin has become.
He thinks that he can stop us from supporting Ukraine and that he can undermine our unity. He is wrong.
Our answer is to increase support to Ukraine so it has what it… pic.twitter.com/qlgEaN0mo5
— Clash Report (@clashreport) September 14, 2026
Како одговор, тој најави понатамошно зајакнување на поддршката за нападнатата земја. „Нашиот одговор е да ја зајакнеме поддршката за Украина за да има сè што ѝ е потребно за својата одбрана“, нагласи тој.
Руте, исто така, испрати директна порака до младите мажи во Русија. „Ако сте млад човек во Русија и одите во војна, постои голема веројатност да не се вратите дома затоа што вашиот претседател едноставно не се грижи за вашиот живот“, рече тој. Заклучи дека Путин сака да го продолжи конфликтот по секоја цена. „Тој само сака да го продолжи овој конфликт против Украина со сите потребни средства“.
