Руската воено-индустриска корпорација „Ростек“ соопшти дека им забранила на своите вработени да ги користат уредите на американската компанија  „Apple“ .

„Во сите организации на корпорацијата за време на работата се воведува целосна забрана за употреба на уреди од американско производство“, соопшти прес-службата на „Ростека“, а пренесе ТАСС.

„Ростек“, кој е основан во 2007 година по налог на претседателот на Русија Владимир Путин, во моментов обединува повеќе од 800 истражувачки и производствени организации во одбранбениот сектор.

Телеграмскиот канал „Маш“ претходно објави дека забраната за уредите „Apple“ е воведена само во еден холдинг „Ростек“ – „Швабе“, специјализиран за оптоелектронски системи, но се покажа дека ограничувањето се однесува на целата корпорација.

Според внатрешните документи на Shbave, уредите на Apple биле забранети откако Руската Федерална служба за безбедност (ФСБ) открила надзорна операција спроведена од американски разузнавачки агенции во Русија, преку мобилните уреди на компанијата со седиште во Калифорнија.

ФСБ минатиот месец соопшти дека ЦИА инсталирала малициозен софтвер на илјадници iPhone-и кои им припаѓаат на руски државјани и странски дипломати кои работат во Русија. Се тврди дека „Apple“ им дал на американските разузнавачки служби широк спектар на можности да ги испрашуваат сите лица кои би имале корист за Белата куќа.

Агенцијата го опиша ова откритие како доказ за блиска соработка меѓу „Apple“ и американската разузнавачка заедница, додавајќи дека „декларираната политика за обезбедување на приватноста на личните податоци на корисниците на Apple нема никаква врска со реалноста“.

Американската компанија ги негираше овие обвинувања и додаде дека никогаш не соработувала со ниту една влада на оваа тема, ниту пак ќе го стори тоа.

Претходно овој месец руското Министерство за индустрија и трговија објави дека ќе ја забрани употребата на iPhone-и, а забраната за вработените треба да стапи на сила следната недела.