Гувернерот на руската област Брјанск денеска изјави дека украинските сили гаѓале со касетна муниција руско село во близина на украинската граница, при што биле оштетени неколку куќи.

Според првичните информации, нема жртви во гранатирањето на селото Климово, објави на Телеграм гувернерот Александар Богомаз. Ројтерс не можеше независно да ја потврди изјавата на рускиот гувернер, која не беше поткрепена со визуелни докази.

Во моментов нема коментари од Украина.

Патем, руските власти во Брјанск и другите региони кои граничат со Украина постојано ги обвинуваат украинските вооружени сили за неселективно гранатирање.

Украина доби касетна муниција од Соединетите држави и се обврза да ги користи само за да ја истисне концентрацијата на руски непријателски војници.

Касетната муниција е забранета во повеќе од сто земји. Но, Русија, Украина и САД не ја потпишаа Конвенцијата за касетна муниција, која забранува производство, складирање, употреба и транспорт на ова оружје.