Новоизбраниот американски претседател Доналд Трамп има три планови за решавање на конфликтот во Украина, кои ги претставија идниот американски потпретседател Џеј-Ди Венс, поранешниот директор на националното разузнавање Ричард Гренел и идниот специјален пратеник за Русија и Украина Кит Келог. пишува Ројтерс наведувајќи свои извори.

Според агенцијата, советниците на Трамп јавно и приватно даваат предлози за ставање крај на војната во Украина, кои вклучуваат отстапување на големи делови од таа земја на Русија во догледна иднина.

Во тие предлози се споменува и идејата за тргање на опцијата за членство на Украина во НАТО „од масата“, според Ројтерс.