Републиканските пратеници во Претставничкиот дом на САД се обидуваат да добијат поддршка за нацрт-законот со кој се овластуваат разговори за купување на Гренланд, се вели во нацрт-законот „Направи го Гренланд повторно голем“, чии копии беа дистрибуирани денеска.

Ова го потврдија канцелариите на републиканските конгресмени Енди Оглс и Дијана Харшбаргер, пренесе Ројтерс.

Доколку биде усвоен, законот ќе му овозможи на новоизбраниот претседател Доналд Трамп да стапи во преговори со Данска почнувајќи од 20 јануари, кога ќе ја преземе функцијата претседател на САД.