Неколку десетици демонстранти одржаа протест пред американската амбасада во Панама поради изјавата на новоизбраниот американски претседател Доналд Трамп дека Америка треба повторно да го преземе Панамскиот канал доколку латиноамериканската земја не ја намали сумата што му ја наплатува на Вашингтон за премин на бродови.

Насобраните во вторникот пред американската амбасада во Панама Сити носеа транспаренти на кои пишуваше „Доналд Трамп, јавен непријател на Панама“ и апелираа до новоизбраниот американски претседател да не се обидува да го врати каналот во сопственост на САД, пренесува ДВ.

Во саботата, Трамп на мрежата „Truth Social“ рече дека САД треба да го вратат каналот доколку Панама не ги намали тарифите што ги наплаќа и предупреди на наводното кинеско влијание во врска со овој канал.

Панамскиот канал главно го градеа САД, кои управуваа со него до 1999 година, кога целосната контрола над морскиот премин беше предадена на државата Панама.

Панамскиот претседател Хозе Раул Мулино во понеделникот изјави дека sекој квадратен метар од каналот и припаѓа на Панама и дека за неговиот статус не може да се преговара.

Во исто време, Гренланд објави дека не е на продажба по сугестијата на Трамп дека Вашингтон може да ја преземе сопственоста и контролата на тој дански остров.