Поранешниот еврокомесар за правда, Дидие Раиндерс, е под истрага на белгиските власти поради сомнение за перење пари, потврди портпаролката на обвинителството во Брисел, Ан Шунјанс.

Истрагата беше покрената во 2023 година по извештаите на Белгиската национална лотарија и Управата за финансиско разузнавање, објави Ројтерс.

Деталите за сумата на пари и периодот на кој се однесуваат апликациите не беа објавени, а Реиндерс не ги коментира изнесените информации, пишуваат светските медиуми.

Реиндерс беше министер за финансии и министер за надворешни работи на Белгија од 1999 до 2019 година, а од 2019 до минатиот месец комесар за правда во Европската комисија.

Портпаролот на ЕУ, Балаз Ужвари изјави дека белгиските власти не контактирале со ЕУ за време на мандатот на Реиндерс.

Тој додаде дека комесарите уживаат ограничен имунитет за службени активности, а сите досегашни членови на Комисијата одлучуваат за евентуално укинување на тој имунитет, пренесува Танјуг.