Парламентот на Никарагва вчера усвои закон за затворање на Црвениот крст во земјата како дел од владината акција против верски, добротворните организации и граѓанските групи.

Националното собрание гласаше за затворање на Црвениот крст на Никарагва, обвинувајќи го за „напади против мирот и стабилноста“ за време на антивладините демонстрации во 2018 година. Локалниот Црвен крст одговори дека само им помагал на повредените демонстранти.

Парламентот, во кој доминира Сандинистичкиот фронт на претседателот Даниел Ортега, му нареди на Министерството за здравство да создаде „нов Црвен крст на Никарагва“. Сепак, каде преоптоварениот здравствен систем ќе најде пари за ова, останува нејасно. Сегашниот Црвен крст, основан во 1958 година, се финансира главно од домашни донации. Според новиот закон, неговиот имот ќе биде конфискуван во корист на државата.

Според групите за човекови права, 355 луѓе биле убиени, а околу 2.000 биле повредени за време на задушувањето на протестите во 2018 година. Оттогаш, речиси целата опозиција е во затвор или протерана од земјата, а повеќе од 3.000 граѓански групи и невладини организации се забранети. Затворени се многу рганизации, од центар за коњаници до 94-годишна академија во Никарагва.