Државната служба за управување со катастрофи на Унгарија денес објави дека 9.752 инциденти се регистрирани низ целата земја за време на почетокот на силното невреме до 06:00 часот утрово, наведувајќи дека во 5.008 случаи противпожарните единици веќе ја нормализирале ситуацијата.

Во моментов, 21.765 домаќинства се без електрична енергија, а 16 локалитети во округот Хајду-Бихар беа без вода до вторникот вечерта.

Националната противпожарна служба објави дека распоредила 502 членови на местата што биле на патот на невремето, а им помогнале 310 членови на доброволни противпожарни здруженија, 74 членови на локални противпожарни единици и 72 локални служби за итни случаи, известува агенцијата MTI.

„Професионалната противпожарна служба на округот Хајду-Бихар е во постојана готовност од средата наутро, а окрузите Чонград-Чанад, Хајду-Бихар, Пешта и Саболч-Сатмар-Берег, исто така, добија засилување од помалку ранливите делови на Унгарија“, се вели во соопштението на Националната противпожарна служба.