Вработените во ОН денеска одржаа едноминутно молчење за повеќе од 100 вработени на ОН убиени во Газа од почетокот на војната меѓу Израел и Хамас минатиот месец, додека знамињата на ОН беа на половина копје.

„Ова е најголемиот број загинати хуманитарни работници во историјата на нашата организација за толку кратко време. Денеска се собравме тука, обединети на оваа високо симболична локација, за да им оддадеме почит на нашите колеги кои ги жртвуваа своите животи служејќи под знамето на ОН“, изјави генералниот директор на ОН Татјана Валоваја, пренесува „Ројтерс“.

Агенцијата на ОН за помош и работа за палестинските бегалци на Блискиот Исток соопшти дека некои членови на персоналот биле убиени додека чекале ред за леб, додека други биле убиени заедно со нивните семејства во нивните домови за време на израелските воздушни и копнени напади врз Газа.

„Времињата се многу предизвикувачки за светскиот мултилатерализам, но ОН се порелевантни од кога било“, рече Валоваја.